Skin Care Routine |روتين عنايتي ببشرتي

بسم الله الرحمن الرحيم

السلام عليكم و رحمة الله و بركاته

 اليوم راح أكتب عن طريقة عنايتي ببشرتي , طبعاً  تعرفون ان طريقنا بالعناية تتغير من فترة لفترة و من موسم لموسم

عنايتنا بالصيف مو نفس الشتا, وانا من النوع الي أحب أجرب منتجات و انوع ,, صارلي فترة أدور على شي مريح و يعطي نتيجة للإهتمام ..

من تجربتي اذا كان طريقتك بالعناية بسيطة بمنتجات جيدة و استمريتي عليها

راح تعطيك نتيجة أفضل بكثير من انك تسوين روتين معقد ما تستمرين عليه الا فترة بسيطة .

بشارككم بروتيني البسيط الي أعطاني نتيجة أرضتني بعد ما جربت العديد من الطرق و المنتجات

فكانت هذه خلاصة تجربتي

أولاً بشرتي نوعيتها مختلطة ..!

ثانياً : بشرتي حساسة جداً جداً جداً !

نبدأ بالغسول

أخترت الكلينسر غسول الوجه من مجموعة ديور سنو

WHITE REVAL GENTE PURIFYING FOAM

clenser

قوامه ناعم كريمي ,خفيف عالبشرة و أقدر اوصفه من ألطف  غسولات الوجه  ,فيه نسبة عطورريحته جداً جميلة

كأنك تدللين نفسك و أنتِ تغسلين وجهك 🙂

 منعش و يعطي نضارة و يترك البشرة نظيفة وناعمة جداً .

,الي ما أعجبني فيه أنه يسبب جفاف نوعاً ما , .

انا بشرتي مختلطة فجداً ناسبني . لكن الي عندهم بشرة جافة ما أتوقع  يناسبهم

.بس برأي انه من أفضل الغسولات الي جربتها

blachheads

هذا غسول لمنطقة لأنف مخصص للرؤوس السوداء و المسامات من محل ذا فيس شوب

كنت استخدمه يومياً قبل ما استخدم غسول ديور ,كانت نتيجته مو مرة مبهرة

يصغر المسامات خفت الرؤوس السوداء ,

انا اخترت نوع البشرة الحساسة ,في منه ثاني اقوى  راح اجربه

 حالياً استخدمه فقط مرتين إلى ثلاث مرات بالاسبوع ..مع نظام بشرتي خفت الرؤوس السوداء بشكل كبير جداً

فماعدت احتاجه

بعد الغسول أستعمل التونر

أخترت التونر من لاش 

TEA TREE WATER

رسموالبيضالعناية-893

 التونر هذا مطهر و معالج للبشرة الدهنية و المختلطه ! ينظف المسام و يساعد في اغلاقها  ويتحكم في الدهون الي تفرزها البشرة

تونر خفيف جداً ومنعش كأنه ماي ! 🙂 تبخينه و تمسحينه بقطنه

رأي فيه !اعطيه خمس نجوم و بامتياز 🙂

بعدها نجي للترطيب :

Nutradem

lotion

لوشن نوترادرم صرت  ما استغني عنه ! فيه منه كريم يكون قوامه أكثف ! انا استخدم اللوشن قوامه كانه سائل جميل جميل مرطب و خفيف عالبشرة ما يدبق *.* أعطيه 100 نجمه  أدمنت استعماله و كلما يخلص ارجع اشتريه ! تلقونه بالصيدليات

بعد ما أرطب بشرتي أحط كريم العين

كريم العين اخترته من ديور سنو

WHITE REVEAL ILLUMINATING EYE TREATMENT

eyecream

 هeyecream2و كريم يخفف الانتفاخ و يخفف الهالات السوداء ! انا ما كان عندي انتفاخ بس كان عندي هالات سوداء بنسبة بسيطه  جدا

بعد استعمالي للمنتج  تخلصت من المشكلة  ! الي يميز كريم ديور هو القطعة المعدنية  الي  .بالبعبوة

.تعطي احساس منعش وانتي تحطين المنتج

المنتج مرطب و يعطي النتيجة المطلوبه!

بعد ما اخلص الترطيب اذا ما بحط ميك اب احط سيروم 

واذا كنت بحط ميك ام ما احط السيروم الا لمن ارجع !

لانه يدبق بالميك اب فافضل لمن ارجع من الدوام اغسل وجههي وارطبه و احطه

السيروم اخترته من مجموعة ديور سنو

GLOBAL BRIGHTENING ANTI-SPOT & TRANSPARENCY SERUM

serum

السيروم يعطي نضارة ويعالج تصبغات البشرة و يوحد لونها ويغذيها !

اعطيه 10 من 10

تأثيرة يبان بفترة قصيرة

هذه عنايتي النهارية !

بالليل قبل النوم أغسل بشرتي بنفس الغسول  من ديور و أخترت الكريم الليلي من مجموعة ديور سنو

ANTI-SPOT REPAIRING CREME

nightcream

nightcream2

هذا الكريم اعتبره من مفضلاتي !اذا قالوا لي اختاري منتج واحد تستخدمينه لعنايتك للبشرة بختار هذا

الكريم مرطب موحد لون البشرة “مو مبيض ” و يشد البشرة ويرجع لها نضارتها

انا كنت اتمنى القاه بعبوة غير هذه  “تكون بالضغط ” نفس تبع السيروم

يجي مع الكريم زي ملعقة او عصا “ماعرف اشرح *.* عشان ما تدخلين يدك بالكريم ويأثر على كيمياء الكريم و توسخينه ,من فترة لفترة لازم تنظفينها .

أهم شي بالعنايه بالبشرة طريقة وضع المنتجات ! بموقع ديور يقدم شرح فيديو واضح لكيف تخلين بشرتك تستفيد من المنتج

مثلا هذه صفحة الكريم :

 http://www.dior.com/beauty/en_int/fragrance-and-beauty/skincare/your-concern/brightening-extreme-transparency/pr-whteningnn-y0483530-anti-spotrepairingcreme.html

تحت بالصفحة بتلقون فيديو كيف توزعين الكريم عشان تستفيد منه بشرتك وتمتصه ! جداً حبيت الشرح من موقعهم !

وموجود الشرح لكل منتج مو بس الكريم !

واذا كنت مكسلة وما فيني,بس  حيل امسح الميك و احط ماسك بطل من ذا فيس شوب

RASBERRY ROOTS

facemask

هذا ماسك ليلي تحطينه وتنامين و الصباح تمسحينه

منعش ويشد البشرة !

هو عبارة عن جل تحطينه على وجهك توزعينه و تنتظرينه ينشف

نتيجته مرضية  نوعاً ما بس مو مررة واو !

و بكيذا اكون خلصت روتين عنايتي ببشرتي

اتمنى يكون البوست اعجبكم 🙂

وتذكرو اهم شي الاستمراريه بالروتين و النتيجة راح تبان باذن الله

🙂 شاركوني رأيكم بمنتجات اعجبتكم وتنصحوني اجربها

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s