تجربتي بعلاج الشعر الأمازون

بسم الله الرحمن الرحيم

السلام عليكم ورحمة الله وبركاته

الأمازون 009

اليوم بتكلم عن موضوع صار اغلب البنات يسوونه ويتساءلون عنه  ويبون يجربونه

هو علاج الشعر سواء بروتين كيراتين امازون !

بتكلم عن تجربتي الشخصية للعلاج ونصايحي لكل وحدة ودها تجربه

أول شي انا شعري مصبوغ من مدة طويلة من سنين .. !فيعاني من جفاف ونفشة

الشعر التالف من ايجابياته انه يثبت اذا سويتي فير *.* اللمعه حطي مستحضرات و بياخذ لمعه

لكل شي ايجابياته ههههههههه 🙂

قبل سنتين صبغت صبغة فاتحة  بعد ما صبغت سويت علاج بروتين,كان العلاج عادي بس شعري صار ستريت نوعا ما بس لسه شعرته نفسها ثقيلة,كم اسبوع و رجع ويفي

وهذه اهم نقطه عندي انه يكون ويفي مو ستريت ..البروتين مع كثير من البنات يحافظ عالويفز لكن انا صار ستريت

تجربتي الثانيه الي كانت قبل 3شهوربالتمام صبغت شعري لون بني متوسط

و بعدها سويت علاج “الأمازون” .

كنت أساساً رايحه اسوي علاج بروتين لكن الكوفيرا نصحتني بأن أجرب الأمازون كونه أخف من البروتين

تقريباً العلاج استغرق اربع ساعات ,أول شي حطت العلاج بشعري لمدة نص ساعة تقريباً , بعدها استشروت شعري و فيه المادة

هنا حصلت لي مشكله ما حصلت مع البنات *.* عيني تحسست ,حلقي عورني انخنقت من المادة للأسف ,جابوا لي ماي و هم استغربوا من اني تحسست من المادة لهذه الدرجة .وكانت عيوني تدمع باستمرارلبست كمامتين من ريحة المادة , و عيوني لانها متحسسه حطينا منديل فيه  ماي و فوقه برضو كمامتين

كنت بهذيك اللحظه طلبت منهم يغسلون شعري *.* وخلاص بطلت اكمل العلاج

بس كنت تقريباً خلصت , فتحوا الشبابيك واشرب ماي ولسه متحسسة جداً من المادة

اخر شي كملنا تنشيف الشعر بالاستشوار لمن بقا جزء صغير وما قدرت اتحمل اكمل كنت جداً مكتومة من المادة فرفضت انها تكمل بالاستشوار !!! لان ريحة المادة الكيميائة وينتشر زي رذاذ مااعرف كيف اشرح كان مأساة

الحين بهالنقطة كل شعري جففوه بالاستشوار الا جزء صغير

رفضت انهم يكملون <<بدأت الأفلام الهنديه 😛

بعدين اقنعوني يكملون العلاج لان بس باقي اخر خطوة

بعدها مشو على شعري بالاستريتنر بدرجة حرارة جداً عالية و كان الوضع عادي مو زي الاستشوار,حتى الجهة الي كانت ما تجففت من الاستشوار مشو عليها بالاستريتنر و الحمدالله كان الوضع تمام,كانت الي تعمل لي العلاج متخوفة انه الجهه الي ما جففوها بالاستشوار ما يضبط عليها العلاج …..

رجعت البيت جلست يوم كامل والمادة بشعري اليوم الي بعده رجعت للكوفيرا عشان تغسل شعري ونشوف النتيجة

الحمدالله الحمدالله انه ضبط العلاج

حتى الجزء الي ما تجفف بالاستشوار ضبط ! اللهم لك الحمد

كنت صابغة شعري قبل باسبوع تقريباً ,صبغتي مالت للبرتقالي ..

فعملت لي رينساج عشان يرجع اللون وكل شي تمام الحمدالله

طبعاً كالعادة ,المفروض الأمازون يحافظ عالويفز , انا صار ستريت

اتوقع انه البنات الي شعرهم كيرلي يصير ويفي , والي شعرهم ويفي يصير ستريت

وانا شعري ويفي لكن شعرته ناعمه !,فالنتيجة بالنسبة لطبيعة الشعر 

نصائحي لكل وحدة مقبلة على عمل العلاج :

  • اذا عندك حساسية بشعرك ,او فروة شعرك فيها مشاكل ,لا تعملين العلاج
  • اذا كنت حاطة حنَه عطي خبر للي تعملك العلاج
  • هذه النقطة انا ما سويتها ,بس تمنيت اسويها ,اطلبي تقرأين علبة منتج العلاج وماركته وابحثي عنها
  • حاولي تختارين مشغل سمعته حلوة بالعلاجات ,وشوفي اذا احد مسوي من قبل اساليهم واستفسري
  • اختاري وقت يكون الصالون فاضي ويكونون متفرغين لك ,مو تجين بعز الزحمة ينشغلون عنك ويروح فيها شعرك .شعرك مسؤوليتك
  • قبل لا تسوين العلاج أقرأي عنه و أسألي  ,وتذكريصالونعن صالون يفرق! والمواد برضو تفرق
  • اذا كان شعرك مو تالف من صبغة او مواد كيميائية ما انصحك تسوين العلاج ,عالجي شعرك بزيوت و مواد طبيعية افضل
  • قبل لا تبدأ تعمل العلاج بشعرك استفسري عن الخطوات وافهميها
  • وتذكري انه نتيجة العلاج تختلف من وحدة لوحدة , مو كلنا نفس طبيعة الشعر ,فتوقعي اي شي
  • اذا كنتي صابغة قبل العلاج ,اعملي رينساج
  • أهم شي استخيري ثم استخيري ثم استخيري قبل ما تعملين اي شي بشعرك

كم كلف العلاج؟

علاج الشعر  2300

السعر يختلف بحسب الطول ,طول شعري تحت كتفي بشوي ..

الشامبو 300 

الكوندشينر 300

الرينساج “عشان يرجع لون الصبغة الي سويتها  ”  120 

المجموع 3020

هل بعيد العلاج؟

أحتمال بس مو بنفس السنة ! العلاج حسيتة قوي 

يمكن اجرب القيلر بس بعد 6 شهور .مو كويس تعرضين شعرك للمواد الكيميائية 

هل بسوي علاج شعر بصالون ؟

بهذه لأ يمكن أروح مكان فيه وحدة متخصصة ,وعندهم تجهيزات كافية 

الحمدالله سعيدة بنتيجتي و بكون سعيدة حتى لمن يروح مفعول العلاج 🙂

اتمنى أكون أضفتلكم شي من تجربتي   وتكونون استفدتوا

Advertisements

4 Comments

  1. يعطيك العافيه على ذكر تجربتك , أنا شعري مثل طبيعة شعرك ويفي والشعره نفسها ناعمه نفسي اجرب علاجات الشعر بس متخوفة من التساقط :”(
    ياليت تذكرين وين عملتي البروتين والامازون ؟

    إعجاب

    1. يعافيك حبيبتي 🙂 انا ما صار لي تساقط الحمدالله ! سويته بالخبر صالون وعد جنب مستشفى سعد ,لكن لو برجع بعمله بسويه بسكين كير القريب من الراشد ! هو تجربة حلوة استخيري و اعملي وقوليلي ايش صار معك 🙂 نورتيني يا اسما الجميلة ()

      Liked by 1 person

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s